हिमाल प्रेस 
काठमाडौँ- नेपाल भलिबल लिग (एनभीएल) आगामी भदौ १९ देखि २७ गतेसम्म आयोजना हुने भएको छ। आयोजक केडिया ग्रुपले विज्ञप्ति जारी गर्दै प्रतियोगिताको नयाँ आधिकारिक मिती सार्वजनिक गरेको हो।
यसअघि भदौ १२ गतेदेखि प्रतियोगिता सुरु हुने भनिएको थियो। आयोजकले आधिकारिक रूपमा पुरुष फ्रेन्चाइज भलिबल लिग भदौ १९ गतेदेखि त्रिपुरेश्वरस्थित राष्ट्रिय खेलकुद परिषद्को बहुउद्देश्यीय कभर्डहलमा सञ्चालन हुने जनाएको हो।
लिगमा ६ फ्रेन्चाइज टोलीको सहभागिता रहनेछ। सहभागी टोलीका टिम मालिक, टिम लोगो, नारा, मार्की खेलाडी, मुख्य प्रशिक्षक र सहायक प्रशिक्षक यसअघि नै सार्वजनिक भइसकेका छन्। प्रतियोगिताका लागि खेलाडी अक्सनसमेत सम्पन्न भइसकेको छ।
प्रकाशित: ३० साउन २०८३ ९:३३ | Saturday, August 15, 2026
प्रतिक्रिया
