हिमाल प्रेस 
कर्णाली प्रदेशसभा बैठक। फाइल तस्बिर
सुर्खेत- कर्णाली प्रदेशसभाको बैठक स्थगित भएको छ।
बिहीबार ३ बजेका लागि तय भएको बैठक सभामुख नन्दा गुरुङले सूचना जारी गरी बैठक आगामी साउन ९ गते शनिबार दिउँसो ३ बजे बस्ने गरी स्थगित गरिएको जानकारी दिएकी छन्।
मुख्यमन्त्री यामलाल कँडेलविरुद्ध दर्ता भएको अविश्वास प्रस्तावका कारण बैठक स्थगित गरिएको प्रतिपक्षको आरोप छ।
नेपाली कांग्रेस र नेकपाले गत असार ३२ गते मुख्यमन्त्री कँडेलविरुद्ध अविश्वासको प्रस्ताव प्रदेशसभा सचिवालयमा दर्ता गरेका थिए।
उक्त प्रस्तावमाथि बिहीबार मतदान हुने तयारी रहेको र दुवै दलले प्रस्तावको पक्षमा मतदान गर्ने बताएका थिए।
अब अविश्वास प्रस्तावसँग सम्बन्धित प्रक्रिया तथा सम्भावित मतदान साउन ९ गते बस्ने प्रदेशसभा बैठकमा अघि बढ्ने छ।
प्रकाशित: ७ साउन २०८३ १५:२७ | Thursday, July 23, 2026
प्रतिक्रिया
