हिमाल प्रेस 
चितवन- गोहीको आक्रमणबाट एक जनाको मृत्यु भएको छ। मृत्यु हुनेमा भरतपुर महानगरपालिका-२३ का ५६ वर्षीय कुलबहादुर चोखाल रहेका छन्।
जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक चन्द्रभुसन यादवका अनुसार मंगलबार घाँस काट्न निस्किएका चोखालको गोहीको आक्रमणमा परी मृत्यु भएको हो।
घाँस काट्न नजिकको हरियाली सामुदायिक वनमा गएको र घर नर्फिएपछि मंगलबार खोजी गर्दा राप्ती नदीकिनारमा मृतावस्थामा भेटिएको उनले जानकारी दिए।
उनका अनुसार मृतकको खुट्टा गोहीले खाएको जस्तो देखिएको छ।
प्रकाशित: १९ जेठ २०८३ १६:५८ | Tuesday, June 2, 2026
प्रतिक्रिया
