हिमाल प्रेस 
काठमाडौँ- कालीमाटी बजारको आजको मूल्यसूचीलाई हेर्दा आयातित कृषि उपजको तुलनामा नेपाली रैथाने र स्थानीय उत्पादनहरू निकै सस्तो छन्।
कालीमाटी फलफूल तथा तरकारी बजार समितिका अनुसार नेपाली ठूलो गोलभेँडाको थोक मूल्य प्रतिकिलो रु ६५ कायम हुँदा भारतीय ठूलो गोलभेँडाको मूल्य रु ८० पुगेको छ।
त्यस्तै फलफूलतर्फ नेपाली मेवा प्रतिकिलो रु ९० मा पाइँदा भारतीय मेवाका लागि रु १०० तिर्नुपर्ने हुन्छ। लिचीमा पनि स्वदेशी लिची प्रतिकिलो रु २५० मा बिक्री हुँदा भारतीय लिचीको मूल्य रु ३०० तोकिएको छ।
स्थानीय बजारमा लोकल काँक्रो प्रतिकिलो रु ९० मा बिक्री भइरहँदा हाइब्रिड काँक्रो भने मात्र रु २५ मा उपलब्ध छ।
स्वदेशी उत्पादन मौसमी र बढी गुणस्तरीय हुने भए पनि आयातित वस्तुको परिमाण र मूल्य नीतिका कारण बजारमा प्रतिस्पर्धा देखिएको व्यवसायीहरू बताउँछन्।
प्रकाशित: २२ जेठ २०८३ ७:४४ | Friday, June 5, 2026
प्रतिक्रिया
