हिमाल प्रेस 
काठमाडौँ- फिफा विश्वकप २०२६ अन्तर्गत जारी खेलमा अर्जेन्टिनाका लियोनल मेस्सीले ह्याट्रिक गरेका छन् । अल्जेरियाविरुद्धको खेलमा उनले १७, ६० र ७० औं मिनेटमा गोल गर्दै ह्याट्रिक पूरा गरेका हुन् ।
यो ह्याट्रिकसँगै मेस्सीले विश्वकपमा सर्वाधिक गोल गर्ने कीर्तिमानसमेत बराबरी गरेका छन् । विश्वकपमा १६ गोल गर्दै मेस्सीले जर्मनीका मिरोस्लाभ क्लोसको नाममा रहेको कीर्तिमानी बराबरी गरेका हुन् ।
सन् २००६ मा विश्वकपमा डेब्यु गरेका मेस्सीले अल्जेरिया विरुद्ध खेलेपछि छैटौं विश्वकप खेल्ने पहिलो खेलाडीको कीर्तिमान बनाएका थिए । उनले सन् २०१० को विश्वकप बाहेक पाँच विश्वकपमा गोल गरेका छन्। चार वर्षअघि कतारमा मेस्सीले आप्नै कप्तानीमा अर्जेन्टिनालाई विश्वकप उपाधि जिताएका थिए । यस्तै विश्वकपमा मेस्सीले कीर्तिमानी २७औं खेल खेलेका छन् ।
योसँगै उनले फिफा विश्वकपमा सर्वाधिक गोलको कीर्तिमानी बराबरी गरेका छन् । मेस्सीको करिअरमा यो विश्वकपको पहिलो ह्याट्रिक समेत हो ।
