हिमाल प्रेस 
काठमाडौँ- भक्तपुरको भक्तपुर–१ नगरकोटमा हिजो राति १० बजे सामान्य विवादका क्रममा भएको झैझगडामा चक्कु प्रहारबाट युवकको मृत्यु भएको छ ।
महोत्तरी, मिथिला नगरपालिका–९ घर भई नगरकोटमोड बस्ने २८ वर्षीय आकाश रसाइलीलाई चक्कु प्रहार भएको हो । गम्भीर घाइते रसाइलीको उपचारका क्रममा केएमसी अस्पताल सिनामंगलमा चिकित्सकले आज बिहान ६ः१५ बजे मृत घोषणा गरेका हुन् ।
चक्कु प्रहार गर्ने उदयपुर त्रियुगा नगरपालिका–१३ घर भई हाल भक्तपुर सल्लाघारी बस्ने ३१ वर्षीय आयुष कार्की, झापा, दमक नगरपालिका–३ घर भई हाल सल्लाघारी बस्ने २७ वर्षीय दोर्जे शेर्पा र गुल्मी, तम्घास घर भई हाल सल्लाघारी बस्ने ३५ वर्षीय रमेश कुँवरलाई प्रहरीले नियन्त्रणमा लिएको छ ।
प्रकाशित: ९ असार २०८३ ८:११ | Tuesday, June 23, 2026
प्रतिक्रिया
