हिमाल प्रेस 
गोरखा- गोरखामा चट्याङ लागेर एक युवकको मृत्यु भएको छ । आइतबार (वैशाख ६) साँझ चट्याङ लागेर घाइते भएका सहिद लखन गाउँपालिका–५, तोरेनस्थित पोखरीडाँडाका २६ वर्षीया विनोद थापाको उपचारका क्रममा गए राति मृत्यु भएको हो ।
जिल्ला प्रहरी कार्यालयका सूचना अधिकारी एवं डीएसपी राजकुमार श्रेष्ठका अनुसार, घरभित्र मोबाइल चलाएर बसिरहेका बेला एक्कासि चट्याङ पर्दा थापा गम्भीर घाइते भएका थिए । उनको उपचारका क्रममा प्रदेश अस्पताल गोरखामा मृत्यु भएको डीएसपी श्रेष्ठले जानकारी दिए । रासस
प्रकाशित: ७ वैशाख २०८३ ९:५० | Monday, April 20, 2026
प्रतिक्रिया
