हिमाल प्रेस 
काठमाडौँ- त्रिचन्द्र क्याम्पसमा हुन लागेको स्वतन्त्र विद्यार्थी युनियन (स्ववियु) निर्वाचन अन्तिम समयमा स्थगित भएको छ।
सोमबार निर्वाचन अधिकृत डा अंगदमणी गौतमले एक सूचना जारी गर्दे चैत ५ गतेका लागि तय भएको निर्वाचन अर्को सूचना जारी नभएसम्मका लागि स्थगित गरिएको जानकारी दिएका छन्।
सबै उम्मेदवार र प्रतिनिधिहरूसँगको छलफल र परामर्शपछि निर्वाचनको मिति तय हुने गौतमले जानकारी गराएका छन् । क्याम्पसको गेटमा भएको तालाबन्दीका कारण परिस्थिति असहज भएको सूचनामा जनाइएको छ।
नेविसंघका केन्द्रीय सदस्य बिनोद देउवा ठकुरीले निर्वाचन स्थगित भएपछि निर्वाचनको नयाँ मिति तत्काल तोकिनुपर्ने माग गरेका छन् । उनले फेसबुकमा लेखेका छन, ‘१६ वर्षपछि हुन लागेको निर्वाचनलाई ‘ईगो’ को लडाइँ बनाउनेहरूलाई बधाई छ। क्षणिक खुसीले विद्यार्थीको भविष्यलाई असर पार्छ।’
प्रकाशित: ५ चैत २०८१ ८:११
प्रतिक्रिया
