हिमाल प्रेस 
काठमाडौँ- काठमाडौँबाट जनकपुर जाँदै गरेको माइक्रोबस दुर्घटना हुँदा एक जनाको मृत्यु भएको छ। बा ३ ख ८४४५ नम्बरको माइक्रोबस बिहीबार साँझ बीपी राजमार्गको सिन्धुली सुनकोशी गाउँपालिका-३ स्थित कानढुंग्रीमा दुर्घटना भएको थियाे।
दुर्घटनामा १२ जना घाइते भएका थिए। तीमध्ये एक जनाको मृत्यु भएको छ। जिल्ला प्रहरी कार्यालय सिन्धुलीका डीएसपी अनिलकुमार खड्काकाअनुसार जनकपुरधाम-१० का ५० वर्षीय निर्मल गुप्ताको धुलिखेल अस्पतालमा आज विहान ३ बजे मृत्यु भएको छ।
दुर्घटनामा घाइतेहरूको काठमाडौँ र खुर्कोटस्थित सुनकोशी अस्पतालमा उपचार भइरहेको छ। बसका चालक ३२ वर्षीय सञ्जयकुमार महतोलाई नियन्त्रणमा लिएर अनुसन्धान भइरहेको प्रहरीले जनाएको छ।
प्रकाशित: ४ माघ २०८१ ८:५३
प्रतिक्रिया
