हिमाल प्रेस 
काठमाडौँ- शिक्षा तथा मानव स्रोत विकास केन्द्रले कक्षा ११ र १२ को विद्यार्थी विवरण अद्यावधिक गर्न सबै स्थानीय तह, शिक्षा विकास तथा समन्वय एकाई, विद्यालयलगायतलाई सर्कुलर गरेको छ।
शैक्षिक सत्र २०८१ को विवरण एकीकृत शैक्षिक सूचना व्यवस्थापन प्रणालीमा साउन ७ गतेभित्र अद्यावधिक गर्नका लागि सबै विद्यालय तथा स्थानीय तहलाई सूचित गरिएको थियो।
सो अवधिमा कक्षा ११ र १२ को भर्ना प्रक्रिया सम्पन्न नभएका कारण उक्त कक्षाका विद्यार्थीको विवरण अद्यावधिक हुन नसकि समय थपका लागि विद्यालय एवम् स्थानीय तहबाट अनुरोध भएकाले कक्षा ११ र १२ का विद्यार्थीको विवरण मिति पुस २२ सम्म सम्बन्धित विद्यालयबाट अद्यावधिक गर्न सर्कुलर गरिएको हो।
प्रकाशित: १४ पुष २०८१ १०:२७
प्रतिक्रिया
