नेपाल टुर गर्दै तीन सांगीतिक व्याण्ड

काठमाडौँ- सांगीतिक व्याण्ड  ‘एक्सिस’, ‘कुमा सागर एण्ड द ख्वप’ र ‘झिल्के एण्ड द कम्पनी’ ले एकसाथ नेपाल टुर गर्ने भएका छन्। ‘चिल म्युजिक फेस्ट- लेट्स गेट लाउड नेपाल’ नाम दिइएको नेपाल टुर आगामी डिसेम्बर २१ देखि झापाबाट सुरु हुनेछ।

टुर फेब्रुअरी ७, २०२५ मा सकिने झिल्के एण्ड द कम्पनी प्रमुख गायक स्टिभ देवानले बताए। उनकाअनुसार व्याण्डले डिसेम्बरमा झापा, रुपन्देही र काठमाडौँमा तथा २०२५ पछि भक्तपुर, पोखरा, चितवन र सुनसरीमा गरी दुई चरणमा कार्यक्रम गर्नेछ।

झापामा डिसेम्बर २१, रुपन्देहीमा डिसेम्बर २४, काठमाडौँमा डिसेम्बर ३१, भक्तपुरमा जनवरी २५, पोखरामा जनवरी ३१, चितवनमा फेब्रुअरी १ र सुनसरीमा ७ फेब्रुअरीमा कार्यक्रम हुने आयोजकले जनाएको छ। कार्यक्रम पोजेटिभ भाइब्स इन्टरटेनमेन्ट नेटवर्क (पीभीई नेटवर्क) को आयोजनामा हुन लागेको हो।