हिमाल प्रेस 
कैलाली- कैलालीमा मोटरसाइकल दुर्घटना हुँदा एक जनाको मृत्यु भएको छ । गोदावरी नगरपालिका–१ मा रहेको अत्तरियाको विद्युत् कार्यालयनजिक अत्तरिया–धनगढी सडकखण्डमा मोटरसाइकल दुर्घटना हुँदा मोटरसाइकल चालकको मृत्यु भएको हो ।
जिल्ला प्रहरी कार्यालय कैलालीका प्रहरी नायब उपरीक्षक कबिन्द्र बोहराका अनुसार अत्तरियाबाट धनगढीतर्फ आउँदै गरेको सुदूरपश्चिम प्रदेश ०१–००८ प ९९९८ नम्बरको मोटरसाइकल गएराति साढे ९ बजे अनियन्त्रित भएर पल्टिएको थियो ।
मोटरसाइकल पल्टिँदा चालक गम्भीर घाइते भएका थिए । उपचारका लागि सेती प्रादेशीक अस्पताल धनगढी पुर्याएलगत्तै चिकित्सकले मृत घोषणा गरेको जिल्ला प्रहरी कार्यालय कैलालीले जनाएको छ । मृतकको सनाखत भने भएको छैन ।
प्रकाशित: २२ भदौ २०८१ ८:३७
प्रतिक्रिया
