जाजरकोट भूकम्प : साढे ३२ हजार लाभग्राही

हिमाल प्रेस १८ मंसिर २०८० १९:५५
12
SHARES
जाजरकोट भूकम्प : साढे ३२ हजार लाभग्राही फाइल तस्बिर

काठमाडौँ- जाजरकोट भूकम्पका लाभग्राहीको संख्या थपिएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार झन्डै चार हजारभन्दा बढी लाभग्राही थपिएका छन्।

यसअघि २८ हजार ५२७ लाभग्राहीको संख्या रहेकामा अहिले बढेर ३२ हजार ५०१ जना पुगेको प्राधिकरणका प्रवक्ता ध्रुवबहादुर खड्काले जानकारी दिए।

प्राप्त विवरणअनुसार बझाङमा २ हजार ४, बाजुरामा २ हजार ५५५ जाजरकोटमा १३ हजार ७१८ र रुकुमपश्चिममा १४ हजार २२४ जना लाभ्रगाही कायम भएका छन्।

उनले अहिलेसम्म १८ हजार ३२८ लाभग्राहीका लागि पहिलो किस्ताबापत ४५ करोड ८२ लाख रकम निकासा भएको छ। लाभग्राही प्रमाणित भएकामध्ये १८ हजार ३२८ लाभग्राहीका लागि पहिला किस्ताबापत ४५ करोड ८२ लाख रकम निकासा भएको खड्काले जानकारी दिए।

भूकम्पपीडितको राहत व्यवस्थापनको मुख्य जिम्मेवार पालिकाको रहेकाले छिटोभन्दा छिटो रकम वितरण गरेर अस्थायी घर बनाउनुपर्नेमा प्राधिकरणले जोड दिएको छ।

प्रवक्ता खड्काले लाभग्राही कायम गरेर मन्त्रालयमा आइपुगेकाहरुको हकमा भने विलम्ब नगरी रकम निकासा गरिरहेको पनि जानकारी दिए। रासस

प्रकाशित: १८ मंसिर २०८० १९:५५

प्रतिक्रिया

Leave a Reply

Your email address will not be published. Required fields are marked *

18 + twenty =