हिमाल प्रेस 
गोंगबुस्थित नयाँ बसपार्कको टिकट काउन्टर।
तस्बिर स्रोत : सुमन पन्थको फेसबुक
काठमाडौँ- दसैँका लागि यही असोज २२ बाट अग्रिम टिकट बुकिङ खुल्ला गरिने भएको छ।
भौतिक पूर्वाधार तथा यातायात मन्त्रालयमा भएको सर्वपक्षीय छलफलपश्चात् आगामी सोमबारदेखि अग्रिम टिकट बुकिङ खुल्ला गर्ने निर्णय गरिएको यातायात व्यवस्था विभागका महानिर्देशक उद्धवप्रसाद रिजालले जानकारी दिए।
व्यवसायीले गाडी भाडा नबढाए बुकिङ नखोल्ने अडान राख्दै आएपनि मन्त्रालयमा भएको छलफलमा व्यवसायीले पुरानै भाडामा अग्रिम टिकट खुल्ला गर्न सहमत भएका हुन्।
पुरानै भाडा कायम गरेर दसैँका लागि अग्रिम टिकट बुकिङ खुल्ला गर्ने निर्णय गरिएको हो।
प्रकाशित: २० असोज २०८० ६:५५
प्रतिक्रिया
![हनुमानढोकाको दसैँ घरमा जमरा राखियो [फोटो फिचर]](https://himalpress.com/wp-content/uploads/2023/10/1-dashain-jamara-5.jpg)
![विद्यालय कर्मचारीको परिषद् भेला काठमाडौँमा सुरु [तस्बिरहरूसहित]](https://himalpress.com/wp-content/uploads/2024/05/karmachari-5.jpg)
