हिमाल प्रेस 
काठमाडौँ- श्रम गन्तव्यलाई सुरक्षित बनाउन उच्चस्तरीय छलफल सुरु भएको छ। प्रधानमन्त्री पुष्पकमल दाहाल ‘प्रचण्ड’ले नेपालका श्रम गन्तव्य देशका राजदूत र नियोग प्रमुखसँग सिंहदरबारमा छलफल सुरु गरेका हुन्।
बैठकमा वैदेशिक श्रम स्वीकृतिदेखि कार्यस्थलसम्म नेपाली श्रमिकले भोगेका समस्या र त्यसको समाधानको उपाय, विभिन्न माध्यम र रूपमा भइरहेको मानव तस्करीलाई कसरी रोक्ने र श्रम गन्तव्यलाई कसरी सुरक्षित बनाउने भन्नेमा छलफल भएको छ।
श्रम तथा रोजगार मन्त्रालय र परराष्ट्र मन्त्रालयको सहभागितामा भएको बैठकमा सुरक्षित श्रम गन्तव्यका लागि आवश्यक कानुनी र संरचनात्मक सुधारको बाटो पहिल्याउने विश्वास गरिएको छ।
श्रम आप्रवासनका सवालहरू र कूटनैतिक नियोगको भुमिकाका विषयमा बैठकमा छलफल हुनेछ।
प्रकाशित: २५ भदौ २०८० ११:१५
प्रतिक्रिया
