हिमाल प्रेस 
सर्लाही– सर्लाहीको बसबरिया गाउँपालिका-५ पोखरिया इलाकाबाट बुधबार सशस्त्र प्रहरीले ५ लाख ६ हजार रुपैयाँ बराबरको चोरीपैठारीको मोबाइल र बिँडीसहितको दुई वटा मोटरसाइकल नियन्त्रणमा लिएको छ।
भारतबाट अबैध रुपले मोटरसाइकलमा राखेर नेपालतर्फ ल्याउँदै गरेको उल्लेखित मूल्य बराबरको ३६ थान मोबाइल र ४ बोरा बिँडी सशस्त्र प्रहरी बल नेपाल सुरक्षा वेस मनुष्माराले नियन्त्रणमा लिएको हो। सामान ल्याउने व्यक्तिहरू भने प्रहरीलाई देख्नासाथ सामानसहित मोटरसाइकल छाडी फरार भएको प्रहरीले जनाएको छ।
नियन्त्रणमा लिइएको सामान र मोटरसाइकल आवश्यक कारवाहीको लागि सर्लाही भन्सार कार्यालय मलंगवामा बुझाइएको प्रहरीले जानकारी दिएको छ।
प्रकाशित: ३२ जेठ २०८० १४:०६
प्रतिक्रिया
