हिमाल प्रेस 
फाइल तस्बिर।
काठमाडौँ- एसीसी प्रिमियर कप क्रिकेटमा सेमिफाइन समीकरण पूरा भएको छ। शनिबार हुने सेमिफाइनलका खेलमा नेपालले कुवेत र ओमानले यूएईसँग खेल्नेछन्। नेपाल समूह ‘ए’को विजेता बन्दै सेमिफाइनल पुगेको हो। समूह ‘ए’को उपविजेता बन्दै सेमिफाइनल पुगेको ओमानले यूएईसँग खेल्नेछ।
त्यस्तै समूह ‘बी’को विजेता यूएई र उपविजेता कुवेत सेमिफाइनलमा पुगेका छन्। कुवेतले बिहीबार हङकङलाई ३० रनले हराउँदै सेमिफाइनल पुगेको हो। नेपाल, ओमान र यूएई यसअघि नै सेमिफाइनल पुगेका हुन्। प्रतियोगिताको फाइनल खेल सोमबार हुनेछ।
प्रकाशित: १४ वैशाख २०८० १७:३६
प्रतिक्रिया
