हिमाल प्रेस 
काठमाडौँ– मंगलबार सेयर बजार परिसूचक (नेप्से) १६.२४ अंकले बढेको छ। आज १८२ कम्पनीको सेयर मूल्य बढेको छ। ३६ कम्पनीको मूल्य घटेको छ भने १० कम्पनीको मूल्य स्थिर रह्यो।
मंगलबार ४३ लाख ३६ हजार कित्ता सेयर खरिदविक्री हुँदा १ अर्ब १७ करोड ६६ लाख रुपैयाँको कारोबार भएको छ।
आज शुभ्म पावर लिमिटेड, थ्री स्टार हाइड्रोपावर, मेन्छियम् हाइड्रोपावर, बलेफी हाइड्रोपावर, अभियान लघुवित्त, पिपुल्स हाइड्रोपावर लिमिटेड र राप्ती हाइड्रोको सेयर मूल्य १० प्रतिशतले बढेको छ।
जलविद्युत् उपसमूहको सूचक ३.२१ प्रतिशतले बढेको छ। त्यस्तै फाइनान्स उपसमूहको सूचक १.९५ र विकास बैंक उपसमूहको सूचक १.४८ प्रतिशतले बढ्यो।
कारोबार रकमका हिसाबले आज रिलायबल नेपाल लाइफ इन्स्योरेन्स शीर्ष स्थानमा रह्यो। यसको १० करोड ६४ लाख रुपैयाँ बराबरको कारोबार भएको छ।
प्रकाशित: २ असोज २०८० १६:१५
प्रतिक्रिया
