हिमाल प्रेस 
काठमाडौँ- लुम्बिनी विकास बैंक लिमिटेडले एकैदिन दुई नयाँ शाखा कार्यालय र एक एक्सटेन्सन काउन्टरको सुरुवात गरेको छ। बैंकले ललितपुरको महालक्ष्मी नगरपालिका वडा नं. १ इमाडोल र भक्तपुरको कमलविनायकमा शाखा सुरु गरेको हो।
यी दुईसँगै लुम्बिनी विकास बैंकको शाखा संख्या ८८ पुगेको छ। बैंकले ललितपुरको गोदावरी नगरपालिका ५ लेलेमा एक्सटेन्सन काउन्टर पनि सुरु गरेको छ।
इमाडोल शाखाको उद्घाटन बैंकका सञ्चालक समितिका अध्यक्ष प्रविणकृष्ण श्रेष्ठ र महालक्ष्मी नगरपालिकाका नगर प्रमुख हरिगोविन्द श्रेष्ठले संयुक्त रूपमा गरेका हुन्।
त्यसैगरी कमलविनायक शाखाको उद्घाटन बैंकका सञ्चालक चिन्तामणि भट्टराई र भक्तपुर नगरपालिकाका नगर प्रमुख सुनिल प्रजापतिले गरे।
साथै, लेले एक्सटेन्सन काउन्टरको उद्घाटन बैंकका सञ्चालक प्रतापकुमार आचार्य र गोदावरी नगरपालिका वडा नं. ५ का अध्यक्ष मिलन सिलवालले गरेका हुन्।
