एमालेले भन्यो : सत्तापक्षले दादागिरी देखाएर संसद् चल्न दिएन

काठमाडौँ– प्रमुख प्रतिपक्ष दलका सचेतक महेश बर्तौलाले संसद्‌मा प्रतिपक्षका विषय उठान गर्न नदिनका लागि सत्ता पक्षले संसदमा दादागिरी देखाएको बताएका छन्।

बुधबार बसेको प्रतिनिधि सभाको बैठक अवरोधपछि सञ्चारकर्मीसँग कुरा गर्दै उनले यस्तो बताएका हुन्। उनले बैठकमा प्रमुख प्रतिपक्ष दल नेकपा एमालेका सांसद सूर्यबहादर थापाले आफ्ना धारणा राख्दै गर्दा सत्तापक्षका सांसहरूले उठेर विरोध गर्नु दादागिरी भएको बताए। उनले सत्तापक्षले नै दादागिरी देखाएर संसद चलाउन नचाहे‍को उनको भनाइ थियो।

प्रतिपक्षले बोल्दै गर्दा सत्तापक्षका सांसदहरुले संसदीय मर्यादाबाहिर गएर विरोध गरेको भन्दै उनले आपत्ति जनाए। सचेतक बर्तौलाले संसद्लाई द्वन्द्वतर्फ लैजान सरकार तयारीका साथ अघि बढिरहेको अरोप लगाए।