हिमाल प्रेस 
पोखरा- पत्रकार कृष्ण अञ्जानको निधन भएको छ। उनको हृदयघातका कारण शुक्रबार बुटवलमा निधन भएको हो।
उपचारार्थ बुटवल झरेका उनलाई शुक्रबार अस्पताल नपुग्दै हृदयघात भएको थियो । उनको शव लुम्बिनी प्रादेशिक अस्पतालमा राखिएको छ ।
बुटवल तथा पोखरामा रहेर पत्रकारिता गर्दै आएका उनी आमा यमकलाको २०७८ सालमा निधनपछि आफ्नै घर गुल्मीको थोर्गामा रहेर पत्रकारितामा गर्दै आएका थिए।
उनका बाबु भोजराज ज्ञवालीको २०६० सालमा सशस्त्र द्वन्द्वमा तत्कालीन विद्रोही माओवादीको गोली लागेर हत्या भएको थियो।
रुरु क्षेत्र गाउँपालिका–१ का अञ्जानलाई यसअघि सहिद परिवाररुपमा एमाले प्रधानमन्त्री केपी शर्मा ओलीले अभिनन्दन गरेका थिए।
प्रकाशित: २० साउन २०८० ७:४६
प्रतिक्रिया
