विद्रोह रोक्न रुसी सेनाले वाग्नर लडाकुको सुरक्षा ग्यारेन्टी गर्ने

मस्को- रुसी सेनाले मस्कोको सैन्य नेतृत्व विरुद्ध विद्रोह रोक्न वाग्नर (भाडाका) सैनिकहरूको सुरक्षाको ग्यारेन्टी गर्ने बताएको छ। ‘हामी पीएमसी वाग्नरको आक्रमण टोलीका लडाकुहरूलाई अपील गर्दैछौँ। तपाइलाई (वाग्नर प्रमुखको येभगेनी) प्रिगोजिनको आपराधिक उद्यम र सशस्त्र विद्रोहमा भाग लिएकोमा धोका दिइयो,’ सेनाले विज्ञप्तिमा उल्लेख गरेको छ।

सेनाले लडाकुहरूलाई स्थायी तैनाथीका ठाउँहरूमा फर्कन मद्दत माग्न पनि आह्वान गरेको छ। ‘हामी तपाइलाई कारण देखाउन र रुसको रक्षा मन्त्रालयका प्रतिनिधिहरूसँग सम्पर्कमा रहन आग्रह गर्दछौँ,’ विज्ञप्तिमा थप भनिएको छ, ‘हामी सबैको लागि सुरक्षाको ग्यारेन्टी गर्छौँ।’ रासस/एएफपी