हिमाल प्रेस 
काठमाडौँ- जेएमसी नेपालले भिगस प्लस पिकअप गाडीमा आकर्षक फाइनान्स सुविधा ल्याएको छ।
यसअनुसार ग्राहकले गाडी मूल्यको ७५ प्रतिशतसम्म फाइनान्सको सुविधा पाउने भएका छन्। ग्राहकले मूल्यको २५ प्रतिशत नगद र अन्य विवरण बुझाएको २४ घण्टामै गाडी डेलिभरी दिने विक्रेता शौर्य ग्रुपले जनाएको छ।
शौर्य शंकर ग्रुपको भागिनी संस्था हो। शौर्यले भिगस प्लसमा आकर्षक नगद छुट र एक्सचेन्जको सुविधा पनि ल्याएको छ। त्यसका साथै टेस्ट ड्राइभमा उपहारसमेत दिँदै आएको कम्पनीले जनाएको छ।
फोर ह्विल ड्राइभसहितको भिगस प्लस पिकअप चिनियाँ गाडी हो। भिगसले चीनमा ट्राभलर भ्यान र कार्गो ट्रकलगायत गाडीसमेत उत्पादन गर्छ।
प्रकाशित: ८ असार २०८० १४:४४
प्रतिक्रिया
