हिमाल प्रेस 
काठमाडौँ- नेकपा एमालेका नेता भीम रावलले नदीको बहाव नेपालतिर धकेल्नेगरी भारतले दार्चुला सदरमुकाम खलंगा पारि महाकाली किनारमा तटबन्ध बनाइरहँदा सरकारले कुनै प्रतिक्रिया नजनाउनु लज्जाजनक भएको बताएका छन्।
स्थानीयहरू प्रतिकारमा उत्रिँदा पनि सरकारले केही नबोलेको भन्दै उनले आपत्ति जनाएका हुन्। ‘भारतले महाकालीको धार परिवर्तन हुनेगरी तटबन्ध बनाउँदा सरकार मौन किन’, रावलले सामाजिक सञ्जालमार्फत भनेका छन्, ‘दुई देशका नागरिकबीच ढुंगा हानाहान हुँदा पनि प्रम देउवा, रक्षा, गृह र परराष्ट्र मन्त्रालय चुइँक्क नबोल्नु लज्जाजनक। दुई देशबीचको यति गम्भीर विषय प्रजिअले हेरेर हुने होइन, प्रम र मन्त्रालय देशप्रति जिम्मेवार होऊ।’
भारतले महाकालीको धार परिवर्तन हुने गरी तटबन्ध बनाउँदा सरकार मौन किन? दुई देशका नागरिक बीच ढुंगा हानहान हुँदा पनि प्रमं देउवा, रक्षा, गृह र परराष्ट्र मन्त्रालय चुइक्क नबोल्नु लज्जाजनक। दुई देश बीचको यति गम्भीर विषय प्रजिअले हेरेर हुने होइन प्रमं र मन्त्रालय देशप्रति जिम्मेवार होउ।
— Bhim Rawal, PhD (@BhimRawal179) December 5, 2022
