हिमाल प्रेस 
एमाले अध्यक्ष केपी शर्मा ओली निवासमा सोमबार पुगेका प्रधानमन्त्री प्रचण्ड, कांग्रेस सभापति शेरबहादुर देउवा र सभामुख देवराज घिमिरे।
काठमाडौँ- नेकपा एमालेका अध्यक्ष केपी शर्मा ओलीसँग बैठक बस्न प्रधानमन्त्री पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवा बालकोट पुगेका छन्। बैठकका लागि सभामुख देवराज घिमिरे पनि पुगेका छन्।
देउवा र प्रचण्ड एउटै गाडीमा चढेर बालकोट पुगेका हुन्। ओली अस्वस्थ भएपछि उनीहरू वार्ताका लागि बालकोट पुगेका हुन्। आजको बैठकमा संवैधानिक नियुक्ति र सत्य निरुपण विधेयकबारे छलफल हुनेछ। साथै ओलीलाई स्वास्थ्यलाभ गर्ने कार्यक्रम छ।
संसदीय समितिमा भागबन्डाका विषयमा पनि बैठकमा छलफल हुनेछ। ठूला तीन दलका कारण संसदीय समितिले पूर्णता पाउन सकेका छैनन्।
प्रकाशित: ४ वैशाख २०८० १०:३२
प्रतिक्रिया
