हिमाल प्रेस 
सुर्खेत- जिल्ला प्रहरी कार्यालय सुर्खेतले लागुऔषध हिरोइनजस्तो देखिने १९ ग्राम ५१० मिलीग्राम धुलो पदार्थसहित वीरेन्द्रनगरबाट चार जनालाई पक्राउ गरेको छ।
पक्राउ पर्नेमा वीरेन्द्रनगरका दिपेन्द्र बैगार, सहबिर सुना, नरेश सुनार र विशाल गन्दर्भ रहेको जिल्ला प्रहरी कार्यालय सुर्खेतका प्रहरी नायब उपरीक्षक कविन्द्रसिंह बोहोराले जानकारी दिए।
उनीहरुलाई बिहीबार साँझ वीरेन्द्रनगर नगरपालिका-११ सुर्खेत सुब्बाकुना चेकपोष्टबाट पक्राउ गरिएको प्रहरी नायब उपरीक्षक बोहोराले बताए।
उनीहरुमाथि थप अनुसन्धानको प्रक्रिया अगाडि बढाइएको जिल्ला प्रहरी कार्यालय सुर्खेतले जनाएको छ।
प्रकाशित: १९ भदौ २०८३ ५:४७ | Friday, September 4, 2026
प्रतिक्रिया
