हिमाल प्रेस 
काठमाडौँ- धवलशमशेर राणा नेतृत्वको जय नेपाल पार्टीले विचार मिल्ने दल र समूहसँग एकता गर्ने भएको छ। विचार मिल्ने दल-समूहसँग एकता गर्न ५ सदस्य वार्ता समिति गठन गरेको हो।
जय नेपाल पार्टीले गठन गरेको वार्ता समितिको संयोजकमा नारायण कोइराला छन् भने सदस्यहरू सुरेश प्रसाद आचार्य, प्रज्जवल बोहरा, अंजना शाह रावल र होमनाथ गौतम चयन गरिएको छ ।
जय नेपाल पार्टीसँग विचार मिल्ने पार्टी, संगठन, समूह, अभियान तथा व्यक्तिहरुलाई जय नेपाल पार्टीमा गोलबन्ध गर्न एक वार्ता समिति गठन गर्ने गत भदौ ४ गते काठमाडौंमा सम्पन्न केन्द्रीय कार्यसमितिको बैठकले निर्णय गरेको थियो ।
पार्टीका सचिवालय प्रमुख सगुन सुन्दर लावतीले बताएअनुसार केन्द्रीय कार्यसमितिको निर्णयबमोजिम वार्ता समितिले तत्काल वार्ता आरम्भ गर्नेछ । जय नेपालले राजसंस्था पुर्नस्थापना गर्ने र हिन्दु राष्ट्र कायम गर्न दबाब दिने एजेन्डा लिएको छ।
