हिमाल प्रेस 
काठमाडौँ- चलचित्र ‘माया भनेकै यस्तो होला’को शीर्ष गीत सार्वजनिक भएको छ । गीतमा प्रशान्त शिवाकोटीको शब्द तथा संगीत छ । स्वर प्रशान्त र विज्ञानी पराजुलीको छ ।
गीत एकै नजरमा बसेको प्रेम र त्यसपछिको परिकल्पनाको वरिपरि केन्द्रित छ । गीतको भिडियोमा दील श्रेष्ठ, सृष्टि श्रेष्ठ, नम्रता श्रेष्ठ, नीति शाहलगायत कलाका छन् ।
भदौ २६ गतेबाट प्रदर्शन हुने यो चलचित्रलाई रेखा थापाले निर्देशन गरेकी छन् ।
चलचित्रमा वरिष्ठ कलाकार मदनकृष्ण श्रेष्ठ, लक्ष्मी गिरी, राजाराम पौडेल, विशाल पहाडीलगायतको पनि अभिनय रहेको छ ।
ध्रुव लम्सालको कथा रहेको चलचित्रमा सुदीप बराल डीओपी रहेको छ ।
प्रकाशित: १६ साउन २०८३ ८:४२ | Saturday, August 1, 2026
प्रतिक्रिया
