धानका बिरुवासँग किसानका सपना जोडिएका हुन्छन् : गगन थापा

काठमाडौँ- नेपाली कांग्रेसका सभापति गगनकुमार थापाले खेतमा रोपिएको प्रत्येक धानका बिरुवासँग किसानका सपना, परिवारको भान्सा एवं भविष्य र राष्ट्रको समुन्नति जोडिएको उल्लेख गरेका छन्।

राष्ट्रिय धान दिवसका अवसरमा शुभकामना सन्देश जारी गर्दै उनले खेतमा पसिना बगाएर राष्ट्रको खाद्य सुरक्षा सुनिश्चित गर्ने अन्नदाता किसानलाई धन्यवाद दिएका छन्।

शुभकामना सन्देशमा भनिएको छ, ‘असार १५ केवल धान रोपाइँको दिनमात्र होइन, यो नेपाली किसानको श्रम, संघर्ष, आशा र आत्मनिर्भरताको उत्सव पनि हो। देशको मुख्य खाद्यान्न बाली धान भएकाले यसको उत्पादकत्व वृद्धि गर्नु केवल कृषि कर्म मात्र नभएर नागरिकको जीवन रक्षाको सुनिश्चितता र संविधानको मर्मको पालना पनि हो।