हिमाल प्रेस 
काठमाडौँ- नेकपा एमालेले प्रचार विभाग प्रमुखको जिम्मेवारी केन्द्रीय सदस्य निरज आचार्यलाई दिएको छ । पार्टीको प्रचार फाँटसम्वद्ध जनसंगठन प्रेस चौतारी नेपालको इञ्चार्जमा अर्की केन्द्रीय सदस्य रामकुमारी झाँक्री तोकिएकी छन् ।
जेठ ४ गते सुरु भई १० गते समापन भएको सचिवालय बैठकको निर्णयले उनीहरुले त्यस्तो जिम्मेवारी पाएका हुन् । शुक्रबार जारी भएको ४६ पृष्ठको अन्तर पार्टी निर्देशन (अपानि) मा यो कुरा उल्लेख छ ।
प्रचार प्रमुख तोकिएका आचार्य यसअघि निर्वाचन विभाग प्रमुख थिए । झाँक्री विद्यार्थी राजनीतिको पृष्ठभूमिबाट पार्टी काममा सक्रिय भएकी हुन्।
प्रकाशित: १६ जेठ २०८३ ७:१५ | Saturday, May 30, 2026
प्रतिक्रिया
