‘हिल्टन होटल जलेको’बारे पत्रकार दिलभूषण पाठकविरुद्धको मुद्दा खारेज

काठमाडौँ- पत्रकार दिलभूषण पाठकविरुद्ध हिल्टन होटल प्रकरणमा दायर भएको विद्युतीय कारोबार सम्बन्धी मुद्दा खारेज गरेको छ। जिल्ला अदालत काठमाडौँले पाठकविरुद्धको मुद्दा खारेज गरेको हो। जिल्ला अदालतका न्यायाधीश खिमानन्द भुषालको एकल इजलासले बुधबार उक्त मुद्दामा प्रहरीको दाबी नपुग्ने भन्दै पत्रकार पाठकलाई सफाइ दिएको हो ।

हिल्टन होटलसँग सम्बन्धित भिडियोमा नेपाली कांग्रेसका सभापति शेरबहादुर देउवाका छोरा जयवीरलाई जाडेको भन्दै उनीविरुद्ध प्रहरीको साइबर ब्यूरोमा उजुरी परेको थियो । सोही उजुरीको आधारमा पाठकविरुद्ध विद्युतीय कारोबार कसुरमा मुद्दा दर्ता भएको थियो ।