हिमाल प्रेस 
अर्घाखाँची- फागुन २१ गते हुने प्रतिनिधिसभा निर्वाचनका लागि अर्घाखाँचीमा उम्मेदवारी दिएकामध्ये चार जना उम्मेदवार एउटै वडाका रहेका छन्।
एकमात्र निर्वाचन क्षेत्र रहेको जिल्लाको मालारानी गाउँपालिका-५ बागीका चार जनाले उम्मेदवारी दर्ता गराएका छन्।
नेपाल कम्युनिस्ट पार्टी (एमाले) बाट पिताम्बर भुसाल, नेपाली कम्युनिस्ट पार्टीबाट रामबहादुर चौहान, स्वतन्त्र उम्मेदवारी दिएका रवि शाह र हिमाल भुसाल मालारानी गाउँपालिका-५ बागी एउटै गाउँका छन्।
नेपाली कांग्रेसबाट उम्मेदवारी दिएका विष्णुप्रसाद खनाल मुस्कान मालारानी गाउँपालिका-४ खनकाका बासिन्दा हुन्।
मालारानी गाउँपालिकाका पाँच जना उम्मेदवार छन्। अर्घाखाँचीमा विभिन्न पार्टी र स्वतन्त्र गरी एक महिलासहित १५ जनाले उम्मेदवारी दर्ता गराएका छन्।
प्रकाशित: ९ माघ २०८२ ८:०७
प्रतिक्रिया
