हिमाल प्रेस 
काठमाडौँ- नेकपा एमालेको ११ औँ महाधिवेशनमा नेतृत्व चयनका लागि अहिले मतदान जारी छ। बिहान १० बजेदेखि सुरु भएको मतदान प्रक्रिया रातिसम्म चल्ने एमालेको निर्वाचन आयोगले जनाएको छ। आयोगले मतदानका लागि बेलुका ५ बजेसम्मा मतदान स्थल पुगिसक्न सूचना जारी गरेको छ।
आयोगले ५ बजेपछि मतदान स्थल आए मतदान गर्न नपाउने निर्णय जारी गरेको छ। ‘आयोगले ५ बजेसम्ममा मतदान स्थल प्रवेश गर्न अनुरोध गरेको छ।’ एमाले निकट अनेरास्ववियुका अध्यक्ष दीपक धामी भन्छन्।
धामीका अनुसार अहिलेसम्म ४०० मतदाताले मतदान गरिसकेका छन्। एमालेको महाधिवेशनमा अध्यक्षका लागि केपी शर्मा ओली र ईश्वर पोखरेल भिडिरहेका छन्।
प्रकाशित: २ पुष २०८२ १३:५६
प्रतिक्रिया
