हिमाल प्रेस 
काठमाडौँ- नेपाल राष्ट्र बैंकले आज (साउन १६) का लागि विभिन्न देशका विदेशी मुद्राको विनिमय दर सार्वजनिक गरेको छ। सार्वजनिक दरअनुसार खाडी तथा एसियाली मुलुकहरूको विनिमय दरमा केही स्थायित्व देखिएको छ भने उच्च मूल्य भने कुवेती दिनारले कायम राखेको छ।
राष्ट्र बैंकका अनुसार कुवेती दिनारको खरिददर ४५७ रुपैयाँ १८ पैसा र बिक्रीदर ४५९ रुपैयाँ १४ पैसा रहेको छ। यसैगरी, बहराइन दिनारको खरिददर ३७० रुपैयाँ ९८ पैसा र बिक्रीदर ३७२ रुपैयाँ ५७ पैसा तोकिएको छ।
ओमनी रियालको खरिददर ३६३ रुपैयाँ २६ पैसा र बिक्रीदर ३६४ रुपैयाँ ८२ पैसा कायम गरिएको छ। खाडी क्षेत्रका अन्य मुद्रामा पनि स्थिरता देखिएको छ। यूएई दिराम एकको खरिददर ३८ रुपैयाँ ०८ पैसा र बिक्रीदर ३८ रुपैयाँ २४ पैसा छ। कतारी रियालको खरिददर ३८ रुपैयाँ ३७ पैसा र बिक्रीदर ३८ रुपैयाँ ५३ पैसा तोकिएको छ।
साउदी रियालको खरिददर ३७ रुपैयाँ २८ पैसा र बिक्रीदर ३७ रुपैयाँ ४४ पैसा कायम गरिएको छ। एसियाली मुलुकहरूमध्ये, अस्ट्रेलियन डलरको खरिददर ९० रुपैयाँ १० पैसा र बिक्रीदर ९० रुपैयाँ ४९ पैसा रहेको छ। जापानी येन १० को खरिददर ९ रुपैयाँ ३२ पैसा र बिक्रीदर ९ रुपैयाँ ३६ पैसा छ।
त्यस्तै, मलेसियन रिंगेट एकको खरिददर ३२ रुपैयाँ ७९ पैसा र बिक्रीदर ३२ रुपैयाँ ९३ पैसा तोकिएको छ। नेपाल राष्ट्र बैंकले जनाए अनुसार वाणिज्य बैंकहरूले तोक्ने विनिमय दर केही फरक हुनसक्नेछ भने अद्यावधिक दर केन्द्रीय बैंकको वेबसाइटमा उपलब्ध हुने बताइएको छ।
