हिमाल प्रेस 
फाइल तस्बिर।
पोखरा– पाँचपटकका च्याम्पियन थ्रि स्टार क्लबले २४ औँ आहारारा पोखरा गोल्डकपमा सेमिफाइनलबाट आफ्नो यात्रा टुंगाएको छ।
थ्रि स्टार क्लब पोखरा रंगशालामा बिहीबार दोस्रो सेमिफाइनलमा उज्जेकिस्तानको ब्ल्याक बुल्स एफसीसँग फराकिलो ४–० गोलअन्तरले पराजित भएको हो।
पहिलो हाफमा १–० गोलअन्तरले अग्रता कायम गरेको पाहुना टोलीले दोस्रो हाफमा थप ३ गोल गर्दै जारी संस्करणमा सर्वाधिक गोलको रेकर्ड पनि राख्न सक्यो।
अब ब्ल्याक बुल्सले शनिबार फाइनलमा क्याराभानसहित ६ पल्टको विजेता नेपाल पुलिसको सामना गर्नेछ।
प्रतियोगितामा प्लेयर अफ दि म्याच असिलबेक ओरिफ जोनोभ घोषित भए। नेपाल पुलिस पहिलो सेमिफाइनलमा चर्च ब्वाइज युनाइटेड क्लबलाई १–० गोलअन्तरले पराजित गरी उपाधि नजिक पुगेको हो।
प्रकाशित: १ फागुन २०८१ १६:५९ | Thursday, February 13, 2025
प्रतिक्रिया
