हिमाल प्रेस 
काठमाडौँ- महाशिवरात्रीको अवसरमा फागुन १४ देखि प्रदर्शन हुने फिल्म ‘फेरि रेशम फिलिली’ को टिजर सार्वजनिक भएको छ। १ मिनेट ४१ सेकेण्ड टिजरमा अमेरिका जान एक युवाले गर्ने संघर्षको कथालाई कमेडी शैलीमा प्रस्तुत गरिएको छ।
यसअघि सार्वजनिक ‘फेरि जालमा’ बोलको गीत चर्चित बनेको थियो। फिल्ममा विनय श्रेष्ठ, सुपुष्प भट्ट, कामेश्वर चौरासिया, नीर शाह, प्रकाश घिमिरे, शिशिर वाङ्गदेल, रविन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापालगायत कलाकारको अभिनय छ।
फिल्म निरोज महर्जनको निर्देशनमा बनेको छ। फिल्मको कथा पनि उनले नै लेखेका हुन्। सुसन प्रजापतिको छायांकन, निर्देशक महर्जन र आकाश बरालको पटकथा, रहेको फिल्ममा नरेश किङ्ग योगीको द्वन्द्व निर्देशन तथा कालीप्रसाद बाँस्कोटा, एसडी योगी, हर्क साउद, जयन जे वाइवा र दीपक शर्माको संगीत र सुरेन्द्र पौडेलको सम्पादन छ।
सिनेमा आर्ट र वि मोसन पिक्चर्सको सहकार्यमा निर्माण भएको फिल्ममा रौनक विक्रम कडेल निर्माता रहेको फिल्ममा सुरज बम ठकुरी कार्यकारी निर्माता र सह-निर्मातामा एनि थापा छन्।
