हिमाल प्रेस 
काठमाडौँ- मिलन चाम्सले नयाँ फिल्म बनाउने भएका छन्। लभस्टोरी जनरामा बन्ने फिल्मको कथा राजीव थापाले लेखेका हुन्। फिल्ममा कलाकार र प्राविधिक टिम छनोटको कार्य भइरहेको निर्देशक चाम्सले बताए।
फिल्मकाे नाम सार्वजनिक भएकाे छैन। केही दिनमा शीर्षक घाेषणा गर्ने टिमकाे तयारी छ।
गोर्खा फिल्मस् र चाम्स इन्टरटेन्मेन्टको संयुक्त लगानीमा निर्माण हुनेछ। फिल्मको छायांकन आगामी अगस्टमा लण्डन र नेपालमा हुने निर्माण टिमले जनाएको छ।
चाम्स निर्देशित फिल्म ‘अञ्जिला’ आगामी फागुन २९ मा प्रदर्शन हुँदैछ। यसअघि चाम्सको निर्देशनमा ‘गोर्खा वारियर’, ‘वीर विक्रम’ ‘लिली बिली’, ‘ब्लाइण्ड रक्स’ र ‘बबी’ फिल्म प्रदर्शन भइसकेको छ।
प्रकाशित: १४ माघ २०८१ १६:४२
प्रतिक्रिया
