‘राजागंज’ काे पाेस्टरमा कलाकारकाे क्यारेक्टर लुक्स

काठमाडौँ- फिल्म ‘पूजा सरः राजागंज’ को पोस्टर सार्वजनिक गरिएको छ। पोस्टरमा फिल्मका मुख्य कलाकारकाे क्यारेक्टर लुक्स देखाइएकाे छ। तस्बिरमा आशा मगराती, दयाहाङ राई, विजय बराल र निकिता चाण्डक छन्।

फिल्म सांसदको छोरासहित अपहरणमा परेका दुई बालकलाई मुक्त गराउन प्रहरी भूमिकाको कथामा आधारित छ। फिल्ममा अन्य कलाकार ऋचा शर्मा, गौमाया गुरुङ, पशुपति राई, निकिता चाण्डक, आरती मण्डल, घनश्याम मिश्र, परमेश्वर कुमार झा, नीरज श्रेष्ठलगायतको अभिनय छ।

आगामी चैत १ मा प्रदर्शन हुने फिल्मका निर्देशक दीपक रौनियार हुन्। फिल्म सोसल ड्रामा र एक्सन जनरामा बनेको छ। निर्देशक रामबाबु गुरुङले निर्माण गरेका हुन्।

अन्तर्राष्ट्रिय फिल्म महोत्सवमा ‘पूजा, सर’ नाममा प्रिमियर गरिएको थियो। फिल्मले भेनिस, ह्याम्बर्ग, बुसान र मुम्बई जस्ता विश्वप्रसिद्ध फिल्म महोत्सवमा चर्चा बटुलिसकेको छ।