हिमाल प्रेस 
काठमाडौँ- नेपाल बैंकर्स संघ (एनबीए)को अध्यक्षमा सन्तोष कोइराला निर्विरोध निर्वाचित भएका छन्। प्रभु बैंकका सीईओ अशोक शेरचनले उम्मेदवारी फिर्ता लिएपछि माछापुच्छ्रे बैंकका सीईओ कोइराला बैंकर्स संघको अध्यक्षमा निर्विरोध भएका हुन्।
बुधबार हुने संघको साधारण सभाले अध्यक्ष, उपाध्यक्ष र ३ जना सदस्यसहित नयाँ कार्यसमिति चयन गर्नेछ। अध्यक्ष पदका लागि सीईओ कोइराला र सीईओ शेरचनले मनोनयन दर्ता गरेका थिए। अन्तिममा सीईओ शेरचनले उम्मेदवारी फिर्ता लिएका हुन्।
संघको उपाध्यक्षमा ग्लोबल आइएमई बैंकका सीईओ सुरेन्द्रराज रेग्मीले मनोनयन दर्ता गराएका छन्। उपाध्यक्षमा अर्काे उम्मेदवारी नपरेपछि सीईओ रेग्मी पनि निर्विरोध निर्वाचित भएका छन्।
कार्यसमिति सदस्यमा एभरेष्ट बैंकका सीईओ सुदेश खालिङ दोहोरिएका छन्। साथै नेपाल बैंकका सीईओ तिलकराज पाण्डेय र कुमारी बैंकका सीईओ रामचन्द्र खनाल कार्यसमिति सदस्यमा चयन भएका छन्।
