केई गाडीको टेस्ट ड्राइभ दुई दिन

काठमाडौँ-   नेपालका लागि केई अटोमोबाइल्सको आधिकारिक विक्रेता लक्ष्मी ई मोबिलिटीले भदौ २९ र ३० गते  टेष्ट ड्राइभ कार्यक्रम  आयोजना गर्न लागेको छ। २९ गते केई सोरुम थापाथली र ३० गते केई सोरुम भाटभटेनी नक्सालमा  गएर केईको इलेक्ट्रिक एसयूभ X3 Pro EV, इलेक्ट्रिक ह्याचब्याक E-Qute 04 र E-Qute 02 टेस्ट  ड्राइभ गर्न सकिने लक्ष्मी ई मोबिलिटीले जनाएको छ।

प्रत्येक टेस्ट ड्राइभमा सहभागीलाई हात खाली नहुने गरी आकर्षक उपहार राखिएको विज्ञप्तिमा उल्लेख छ। लक्ष्मी ग्रुप अटोमोटिभ डिभिजनअन्तर्गत बिक्रीवितरण गरिएको केई चाइनिज ब्रान्ड हो जुन नाडा अटो सोमा पहिलोपटक सार्वजनिक गरिएको थियो। त्यसपछि कम्पनीले गाडीको ड्राइभिङ अनुभव प्रदान गर्न कार्यक्रम आयोजना गर्न लागेको हो।