हिमाल प्रेस 
काठमाडौँ- एभरेस्ट महिला भलिबल लिगका लागि सहभागी ६ टोलीका मार्की खेलाडीको नाम सार्वजनिक गरिएको छ। राष्ट्रिय टोली कप्तान अरुणा शाहीसहित ६ खेलाडी अलग अलग टोलीको मार्की खेलाडी चुनिएका हुन्। अरुणा चितवनको मार्की रहेकी छिन्।
मार्की हुनेमा सरस्वती चौधरी गण्डकी, सलिना श्रेष्ठ ललितपुर, निरुता ठगुन्ना मधेश, उषा भण्डारी काठमाडौं र सुमित्रा रेग्मी कर्णालीबाट खेल्नेछन्। नेपाल भलिबल संघ सँगको समन्वयमा इन्फिनिटीले मार्कीको नाम सार्वजनिक गरेको हो। अब टोलीको छनोट पनि आन्तरिक ड्राफ्टमार्फत नै हुनेछ ।
विगतमा नेपालमा भएका सफल फ्रेन्चाइज लिगमा सार्वजनिक रुपमा ड्राफ्ट आयोजना भएपनि यसपटक आन्तरिक रुपमा खेलाडी छनोट हुनेछ।
हरेक टोलीमा ३ विदेशीसहित १२ खेलाडी राख्न पाउने व्यवस्था छ । २ खेलाडी ट्यालेन्ट हन्टबाट छनोट गरिने यसअघि नै बताइएको छ ।
मार्की खेलाडी :
चितवन – अरुणा शाही
गण्डकी – सरस्वती चौधरी
ललितपुर – सलिना श्रेष्ठ
मधेश – निरुता ठगुन्ना
काठमाडौँ- उषा भण्डारी
कर्णाली – सुमित्रा रेग्मी
