हिमाल प्रेस 
काठमाडौँ- युरो २०२४ को नकआउट चरणको समीकरण पूरा भएको छ।
समूह चरणको सम्पूर्ण खेल समाप्त भएसँगै युरोको राउन्ड अफ १६ मा खेल्ने टोली छनोट भएका हुन्।
सहभागी २४ टोलीमध्ये ८ टोलीले अर्को चरणमा स्थान बनाउन सकेनन्। हंगेरी, स्कटल्यान्ड, क्रोएसिया, अल्बानिया, सर्बिया, पोल्यान्ड, युक्रेन र चेकिया समूह चरणबाट अघि बढ्न सकेनन्।
अन्तिम १६ मा स्पेनले जर्जियासँग खेल्दा जर्मनी र डेनमार्कले एक अर्काको सामना गर्नेछन्। यी दुई खेलको विजेताले क्वाटरफाइनलमा भिड्नेछन्।
त्यस्तै पोर्चुगल र स्लोभेनियाको विजेताले सेमिफाइनलमा पुग्न फ्रान्स र बेल्जियमबीचको विजेतासँग प्रतिस्पर्धा गर्नेछ।
रोमानिया र नेदरल्यान्ड्स एक अर्कासँग खेल्दा अष्ट्रिया र टर्कीबीच प्रतिस्पर्धा हुनेछ। यी मध्य एक टोलीले इंग्ल्यान्ड र स्लोभाकिया तथा स्विटजरल्यान्ड र इटालीको खेलको जित्ने टोलीबिचको विजेतासँग खेल्नेछन्।
शनिबारदेखि राउन्ड अफ १६ चरण सुरु हुनेछ। क्वाटरफाइनलका खेल जुलाई ५ बाट खेलिनेछ ।
