हिमाल प्रेस 
काठमाडौँ- नेपाली कांग्रेसका नेता डा.शेखर कोइरालाले डढेलोले गर्ने क्षति बर्सेनि बढिरहेको भन्दै यो विषयमा सरकार संवेदनशील हुनुपर्ने बताएका छन्।
आज सामाजिक सञ्जालमार्फत नेता डा.कोइरालाले रोकथाम र न्यूनीकरणका लागि सरकार चुकिरहेको बताए।
उनले भने,‘यस वर्ष देशका विभिन्न भागमा डढेलो लागेका कारण कैयौँ नेपालीको ज्यान गयो। अर्बौँको सम्पत्तिको नास भइसक्यो। कतै निभ्यो, कतै सल्किरहेको छ। बर्सेनि डढेलोका कारण हुने नोक्सानी बढ्दै छ,रोकथाम र न्यूनीकरणमा हामी कहाँ चुक्यौँ? नीतिमा कि व्यवहारमा? सरकार किन यति असंवेदनशील?’
प्रकाशित: १४ वैशाख २०८१ ८:४६
प्रतिक्रिया
