हिमाल प्रेस 
काठमाडौँ- क्यानडाविरुद्धको एक दिवसीय श्रृंखलाको अन्तिम खेलमा नेपालले टस जितेर पहिले बलिङ गर्ने निर्णय गरेको छ।
त्रिवि क्रिकेट मैदानमा अहिले सवा ९ बजेबाट सुरु हुने खेलमा नेपाली टोलीका कप्तान रोहित पौडेलले सुरुवातमा बलिङ रोजेका हुन्। आजको खेलमा युवा खेलाडी हेमन्त धामीले डेब्यु गरेका छन्।
यू-१९ मा उत्कृष्ट छाप छाडेका हेमन्त धामी आज सुरुवाती ११ मा परेका छन्। उनी तीव्र गतिका बलर हुन्।
आजको खेलमा सोमपाल कामी र रिजन ढकालमा सुरुवाती ११ मा छैनन्।
उनीहरूको विकल्पमा धामीलाई मैदान उतारिको हो।
क्यानडाविरुद्ध नेपालले यसअघि नै श्रृंखला जितेको छ। नेपाली टोली आज श्रृंखला ‘क्लीनसीप’ लक्ष्यमा छ भने क्यानडाली टोली सान्तवना जितको खोजीमा छ। यसअघिका २ खेल नै नेपालले जितेको छ।
नेपाल पहिलो खेलमा ७ रन र दोस्रो खेलमा ४ विकेटको जित निकाल्न सफल भएको थियो। नेपालले कुल ४ परिवर्तन गरेको छ ।
पछिल्लो खेलबाट सूर्य तामाङ, रिजन ढकाल, सोमपाल कामी र आसिफ शेख टोलीबाट बाहिर हुँदा आरिफ शेख, ललित नारायण राजवंशी र कुशल भुर्तेल टोलीमा फर्केका छन्। हेमन्त डेब्यु गर्दैछन् ।
क्यानडाले पनि टोलीमा ३ परिवर्तन गरेको छ।
नेपालको प्लेइङ ११ : रोहित पौडेल (कप्तान), अनिल शाह, कुशल मल्ल, देव खनाल, आरिफ शेख, पवन सर्राफ, आकाश चन्द, हेमन्त धामी, कुशल भुर्तेल, ललित नारायण राजवंशी, भीम सार्की
बेन्च : सूर्य तामाङ, रिजन ढकाल, सोमपाल कामी, आसिफ शेख
क्यानडाको प्लेइङ ११ : आरोन जोन्सन, नवानित धलिवल, निकोलस किर्तन, डिलोन हेलिगर, हर्ष ठाकर, साद बिन जाफर (कप्तान), श्रेयास मोभा, उदय भगवान सिंह, श्रीमन्थ विजयरत्ने, डिलोन हेलीगर, निखिल दत्त
