हिमाल प्रेस 
फाइल तस्बिर
काठमाडौँ- क्यानडाविरुद्धको तीन खेलको एकदिवसीय प्रतियोगितको दोस्रो खेलमा नेपाल शनिबार (आज) भिड्दैछ। त्रिवि क्रिकेट मैदान कीर्तिपुरमा बिहान सवा ९ बजे खेल सुरु हुनेछ।
घरेलु टोली नेपाल लगातार दोस्रो जित निकाल्दै श्रृंखला जित्ने योजनामा हुनेछ। पहिलो खेलमा क्यानडामाथि रोमाञ्चक जित निकालेको थियो। नेपाल एक खेलअगावै श्रृंखला जित्न चाहन्छ।
पाहुना टोली क्यानडा पनि नेपाललाई हराउँदै श्रृंखलामा बराबरी चाहन्छ। क्यानडा तीन खेलको श्रृंखला खेल्न नेपाल आएको हो। यसअघिको खेलमा क्यानडालाई नेपालले ७ रनको रोमान्चक जित निकालेको थियो। जुनखेलमा नेपालका कप्तान रोहित पौडेलको प्रदर्शन सम्झनलायक रह्यो।
नेपालले यसपछि घरेलु मैदानमै हुने तीन देशको एकदिवसीय श्रृंखलाको तयारीका लागि क्यानडालाई आह्वान गरेको हो। यसपछि लगत्तै घरेलु मैदानमा नेदरल्याण्ड्स र नामिबियासँग नेपालले प्रतिस्पर्धामा उत्रनेछ।
