हिमाल प्रेस 
काठमाडौँ- जल तथा मौसम विज्ञान विभाग, मौसम पूर्वानुमान महाशाखाले देशका केही भू-भागबाहेक अधिकांश भू-भागमा मौसम सफा रहने जनाएको छ।
आज बिहान कोशी र गण्डकी प्रदेशका पहाडी भू-भागमा आंशिक बदली रहेको जनाउँदै महाशाखाले बाँकी भू-भागमा मौसम सफा रहेको जनाएको हो।
महाशाखाले मौसम अपडेटबारे जानकारी दिँदै शुक्रबार दिउँसो कोशी, बागमती र गण्डकी प्रदेशको पहाडी भू-भागमा आंशिक बदली रहने जनाएको छ। बाँकी भू-भागमा मौसम मुख्यत: सफा रहनेछ।
महाशाखाको भनाइमा राति कर्णाली र सुदूरपश्चिम प्रदेशलगायत गण्डकी र कोशी प्रदेशको पहाडी भू-भागमा आंशिक बदली रहनेछ। बाँकी भू-भागमा मौसम सफा रहनेछ।
महाशाखाले चिसोबाट बच्न आवश्यक उपाय तथा सतर्कता अपनाउन आग्रह गरेको छ।
प्रकाशित: २७ पुष २०८० ६:४६
प्रतिक्रिया
