‘पाता फर्काउनुपर्ने’ अभिव्यक्तिले विवादमा तानिएकी उद्योगमन्त्रीले दिइन् राजीनामा

काठमाडौँ-  उद्योगमन्त्री गौरीकुमारी यादवले राजीनामा दिएकी छन्। उनले केहीबेरअघि प्रधानमन्त्री वालेन्द्र शाह ‘बालेन’ समक्ष राजीनामा बुझाएको स्रोतले जनाएको छ। उनले ग्यास उद्योगीहरूलाई पाता फर्काउनुपर्ने अभिव्यक्ति दिएपछि आलोचना भएको थियो।

प्रतिनिधिसभा अन्तर्गतको उद्योग समितिको बुधबार उपस्थित भएर उनले ग्यास उद्योगीलाई पाता कस्नुपर्ने भन्दै विवादित अभिव्यक्ति दिएकी थिइन्। उनको अभिव्यक्तिलाई लिएर निजी क्षेत्रले चर्को विरोध गरेका थिए।

उनले चैत २७ गते मन्त्री पदको शपथ लिएकी थिइन् । उनी महोत्तरी क्षेत्र नम्बर ४ बाट निर्वाचित सांसद् हुन् ।