हिमाल प्रेस 
काठमाडौँ- इंग्ल्यान्डलाई हराउँदै अस्ट्रेलियाले महिला टी २० विश्वकपको उपाधि सातौँपटक जितेको छ। इंग्ल्यान्डको लर्ड्समा आइतबार राति भएको फाइनल खेलमा इंग्ल्यान्डले दिएको १५१ रनको लक्ष्य अस्ट्रेलियाली टोलीले १७।१ ओभरमा मात्र ३ विकेट गुमाउँदै पूरा गरेको हो।
अस्ट्रेलियाकी बेथ मुनीले ४९ बलमा १० चौकासहित ६४ रन बनाइन्। फोबे लिचफिल्डले ३५ बलमा ४८ रन बनाइन्। यसअघि अस्ट्रेलियाले टस जितेर पहिले बलिङ गर्ने निर्णय गरेको थियो।
पहिले ब्याटिङ गर्दै इंग्ल्यान्डले २० ओभरमा ४ विकेट गुमाएर १५० रन बनायो।
इंग्ल्यान्डकी कप्तान नेट साइभर-ब्रन्टले ५३ बलमा ५८ रन बनाइन्। फ्रेया केम्पले ४४ र एलिस क्याप्सीले २३ रन बनाइन्। अस्ट्रेलियाका लागि कप्तान सोफी मोलिनक्स, किम गार्थ, लुसी ह्यामिल्टन र एनाबेल सदरल्यान्डले एकएक विकेट लिए।
प्रकाशित: २२ असार २०८३ ८:२४ | Monday, July 6, 2026
प्रतिक्रिया
