हिमाल प्रेस 
काठमाडौँ- रोयल च्यालेन्जर्स बेंगलुरु (आरसीबी)ले लगातार दोस्रोपटक इन्डियन प्रिमियर लिग (आईपीएल) को उपाधि उचालेको छ। आइतबार राति भएको फाइनलमा गुजरात टाइटन्सलाई ५ विकेटले पराजित गर्दै ब्यांग्लोरले उपाधि रक्षा गरेको हो।
बेंगलुरुले पहिलो क्वालिफायरमा पनि गुजरातलाई ९२ रनले हराएको थियो। गुजरातले दिएको १५६ रनको लक्ष्य ब्यांग्लोर १२ बल अगावै ५ विकेटको क्षतिमा भेट्टायो। बैग्लुरुका लागि विराट कोहली ७५ रनमा अविजित रहे। उनले ४२ बलमा ९ चौका र ३ छक्का प्रहार गरे। जितेश शर्मा ११ रनमा नटआउट रहे। टिम डेविडले २४ र कप्तान रजत पाटिदारले १५ रन थपे।
त्यसअघि अहमावादस्थित नरेन्द्र मोदी स्टेडीयममा बैग्लुरुले टस जितेर फिल्डिङ रोजेपछि ब्याटिङ गरेको गुजराले निर्धारित २० ओभरमा ८ विकेटको क्षतिमा १ सय ५५ रनको योगफल तयार पारेको थियो। गुजरतालका वासिङटन सुन्दर ५० रनमा नटआउट रहे। निशान्त सिन्धुले २०, जस बटलर १९, रासिद खानले १५ रन थपे। ओपनर साइ सुदर्शन १२ र कप्तान शुभमन गीलले १० रन बनाउँदै पेभेलियन फर्के।
बेंगलुरुका रसिक सलामले २ तथा जस हेजलवुड र भुवनेश्वर कुमारले समान २ विकेट लिए। कृनाल पाण्डेले एक विकेट लिए। आईपीएलमा लगातार दुई उपाधि जित्ने बेंगलुरु तेस्रो टोली हो । यसअघि चेन्नई सुपर किंग्सले सन् २०१० र २०११ तथा मुम्बई इन्डियन्सले सन् २०१९ र २०२० मा लगातार उपाधि जितेका थिए ।
आईपीएलको सर्वााधिक उपाधि जित्नेमा पनि चेन्नई र मुम्बई अगाडि छन् । दुवैले ५-५ पटक उपाधि जितेका छन् । कोलकाता नाइट राइडर्सले ३ पटक उपाधि जितेको छ भने राजस्थान रोयल्स, डेक्कन चार्जर्स, सनराइजर्स हैदराबाद र गुजरात टाइटन्सले १-१ उपाधि जितेका छन् ।
