हिमाल प्रेस 
काठमाडौँ- इन्डियन प्रिमियर लिग (आईपीएल) क्रिकेटमा गुजरात टाइटन्ससँग पन्जाव किंग्स ४ विकेटले पराजित भएको छ। अहमदावादमा १६४ रनको लक्ष्य पाएको गुजरातले एक बल बाँकी छँदै लक्ष्य भेट्टायो। तालिकाको शीर्ष स्थानमा रहेको पन्जावले खराब सुरुवात गरेको थियो। ४७ रन हुँदा पाँच विकेट गुमाएको पन्जावका लागि मार्कस स्टोइनिस र सुर्यांसले पालीलाई केही उकासेका थिए। सुर्यासंले ५७ रन बनाए भने स्टोइनिसले ४० रनको योगदान दिए।
जवाफी ब्याटिङ गरेको गुजरातका मध्य क्रममा ब्याट्सम्यान नचल्दा अन्तिम बलसम्म खेललाई कुर्नु परेको थियो। पराजित पञ्जाब ९ खेलमा १३ अंकका साथ यथावत छ भने गुजरातको १० खेलबाट १२ अंक भएको छ र तालिकाको पाँचौं स्थानमा छ।
आइतबार नै भएको पहिलो खेलमा कोलकता नाइट राइडर्सले सनराइजर्स हैदरावादलाई पराजित गर्दै लगातार तेस्रो जित हात पारेको छ । इडेन गार्डेन भएको खेलमा घरेलु टोली कोलकाताले हैदरावादलाई ७ विकेटको हराएको हो।
यो जितसँगै कोलकताले ९ खेलमा ७ अंक बनाउँदै तालिकाको आठौं स्थानमा छ। पराजित हैदरावादको १२ अंक छ र १० खेलबाट तालिकाको तेस्रो स्थानमा यथावत छ।
प्रतियोगिता अन्तरगत आज मुम्बई इन्डियन्स र लखनऊ सुपर जायन्टबीच खेल हुनेछ।
